Saturday, October 29, 2011

Taddao Bussaya الحلقة الخامسة من مسلسل الإبنة المفقودة أو




السلام عليكم ورحمة الله وبركاته

من الحلقة مش هايكون فيه ميعاد محدد لنزول الحلقة
هاتنزل وقت ما تخلص ترجمة وتدقيق
لان بيور برنسيس عندها بحث مهم في الماجستير بتاعها ووقتها ضيق
لكن ابشروا فيه بيوته جميلة بعتتلي رسالة علشان تنضم للترجمة 
إن شاء الله لو انضمت لينا هاتخف الضغط عن بيور وتنزل الحلقات في ميعادها
***************************
  يسعدنا أن نقدم لكم الحلقة الخامسة من مسلسل الإبنة المفقودة

Tuesday, October 18, 2011

إعلان هام+ رد على جميع الأستفسارات والأسئلة

السلام عليكم ورحمة الله وبركاته
******************
نعتذر لكثرة الأعلانات في الوقت الحالي نتمنى يكون أخر إعلان
اعتذر فريق Heart Strings عن التعاون معنا في ترجمة مسلسل Wong Wain Hua Jai لعدم التوافق بين الفريقين نتمنى لهم التوفيق في ترجمة الدراما.
كما نتمنى أن تحترم باقي الفرق حجوزاتنا كما نحترم حجوزات الغير.
ونعلن أننا لن نشارك أي فريق ترجمة أي مسلسل مهما كان ونرجو من الفرق الأخرى عدم مراسلتنا لطلب التعاون معنا، طلبهم سيقابل بالرفض

أسئلة متابعي الفريق: 
***********
1:سؤال العزيزة منال" ليه ما تترجموا مسلسلات كورية ويابانية ؟"
اممم أظن إن الفرق الكورية كثيرة جدا ودلوقت ممكن أكتر من فريق يترجم مسلسل واحد لكن لو فيه مسلسل عجبنا ولاقيناه غير مترجم أكيد نحب نترجمه

2:سؤال العزيز او العزيزة 4ever lie"ليش ما في سوى دراما واحدة؟"
 لان ببساطة مفيش في الفريق غير مترجمة واحدة الله يخليها لينا

3:طلب العزيزة أميرة مجدي" ممكن تنزلوا حلقتين من مسلسل تاداو في الأسبوع"
 للأسف ما ينفع ننزل أكثر من حلقة لان الحلقة التيلاندي تساوي في عدد التترات حلقتين من أي مسلسل كوري وثلاث حلقات من أي مسلسل ياباني أو إنمي غير إن المترجمة عندها شغلها طبعا

4:سؤال العزيز سيزار" ليش ما تترجمو أفلام؟"
 اممم لان أغلب الأفلام بتترجم قبل ما نفكر فيها اصلا:)

5:سؤال العزيزة يوجين " ما معنى كلمة كون وبي ونانغ التي تنطق قبل الأسماء؟"
دي صيغ مؤدبة تستخدم قبل استخدام الأسم كون معناها سيد أو سيدة، أما بي تقال للأخ والأخت الأكبر، نانغ للأخ والأخت الأصغر، ساو معناها أخ أو أخت وما ينفع تيجي وحدها لازم قبلها نانغ أو بي وتستخدم للغائب

6: سؤال العزيزة song hye kyo "ليش ما توفرون ملفات ترجمة؟"
لأن الحلقات بنوقتها بنفسنا ومش هاتشتغل أبدا كويس غير على الفيديوهات اللي بنلصقها عليها أكيد ما راح تفيدكم وإلا كنا وفرناها بمنتهى السرور

7: سؤال العزيزة أو العزيز بكيت من الندم " ليه تخليتم عن التعاون مع فريق دراما وندرلاند؟"
 الحقيقة مش احنا اللي تخلينا عن التعاون بينا لكن لظروفهم واعمالهم الكثير هم اللي بلغونا برغبتهم عن التخلي عن التعاون معنا
الحقيقة ان دراما وندرلاند من المدونات اللي نحترمها كتير واتمنى العمل معاها في المستقبل الله الله يوفقهم يا رب

8:سؤال العزيزخالد "ممكن أعرف أيه هو مشروعكم القادم؟"
 لسه ما استقرينا على المشروع الجاي ما دام لسه باقي كتير على انتهاء تاداو لكن احنا حاطين قائمة بأسماء المسلسلات في صفحة مشاريعنا غالبا هايكون فيه تصويت على الدراما القادمة قبل ما نبدأ فيها


تقريبا دي كل الأسئلة اللي وصلتنا لو حد عنده اي استفسار أو سؤال يتفضل يسأل هنا وهانرد عليه بإذن الله كمان أحب أبلغكم اني رفعت خاصية الإشراف على التعليقات 
ونستقبل بصدر رحب أي تعليق أو انتقاد 
تحياتنا 

Saturday, October 15, 2011

Taddao Bussaya الحلقة الرابعة من مسلسل الإبنة المفقودة أو


السلام عليكم ورحمة الله وبركاته
من والواضح إن المسلسل ده نحس 
والحلقات مش بتنزل في ميعادها مظبوط 
لكن ده مش معناه إننا بنكذب في المواعيد زي ما الرسايل بتوصل 
قلنا ألف مرة مش هاينفع ننزل أكتر من حلقة في الاسبوع
كل واحد في الفريق عنده حياته الخاصة 
ارجو اللي بيبعت الرسايل يكبر شوية ويتصرف حسب عمره 
بلاش شغل الأطفال ده
***************************
يسعدنا أن نقدم لكم الحلقة الرابعة من مسلسل الإبنة المفقودة